Chinguunjav

          Сэвэлзэх салхи гаргүй атлаа илбэн таална
        Сэтгэл сэргээж гуниг үргээн намайг тэвэрнэ
      Харгдах бие үл атал зүрх догдлуулж
   Харгуйн алсаас чиний дууг эгшиг болгон сонсгоно

          Үлээх салхин уруулгүй атал үнсэн таалж
        Үүрэглэх шөнийн гүнд чи болон ирж уяраана
      Мөнхөд үлээх тэрхүү салхин гүнж
   Мөрөөдлийн үзүүрт чимэг болон гэрэлтнэ

         Эрхлэн наадах салхин далавчгүй атал хөөрөн ниснэ
       Эгэл хайрын аялгууг уянга болгон чихнээ эгшиглүүлнэ
     Оддын дунд чиний дүрийг салхин урлаж
   Оройгүй тэнгэрийн тэртээгээс дурлал болгон нисгэнэ